मुंबई – राष्ट्रवादी काँग्रेसचे नेते आणि राज्याचे अल्पसंख्याक मंत्री नवाब मलिक यांचे जावई समीर खान यांची नार्कोटिक्स कंट्रोल ब्युरो (एनसीबी) कडून चौकशी सुरू आहे. यासंदर्भात खान यांना एनसीबीने समन्स पाठवले होते. आंतरराष्ट्रीय ड्रग्ज तस्कर करण सजनानी याची एनसीबीने चौकशी केली. या चौकशीत समीर खान यांचे नाव पुढे आल्याचे सांगितले जात आहे. समीर खान हे आज सकाळीच एनसीबीच्या कार्यालयात हजर झाले असून त्यांची चौकशी करण्यात येत आहे. दरम्यान, याच प्रकरणी एनसीबीने येथील मुच्छड पानवाला याचीही चौकशी केली होती. त्यानंतर त्याला एसीबीने अटक केली आहे.
