नवापूरमध्ये नऊ लाख कोंबड्यांचं किलिंग, सरकार देणार भरपाई – के.सी. पाडवी

नाशिक –  नवापूरमध्ये बर्ड फ्ल्यूमुळे सव्वा नऊ लाख कोंबड्यांचं किलिंग करण्यात आले असून राज्य सरकार
प्रति कोंबडी ९० रुपये तर प्रति अंडे ३ रुपये भरपाई देणार असल्याची माहिती आदिवासी विकास मंत्री तथा नंदुरबारचे पालकमंत्री अॅड. के.सी. पाडवी यांनी दिली.

राज्याचे उपमुख्यमंत्री अजित पवार यांच्या उपस्थितीत  नंदुरबार जिल्हा वार्षिक योजनेची आढावा बैठकीसाठी ते नाशिकला आल्यानंतर त्यांनी पत्रकारांशी संवाद साधला. यावेळी ते म्हणाले की, आदिवासी भागात शिक्षकांची संख्या कमी, संख्या वाढवण्याचे प्रयत्न आहे. अमरावती जिल्ह्यात कुमारी मातांचं प्रमाण अधिक, त्यावर उपाययोजना करण्यात येत आहे.
लॉकडाउनच्या काळात नाशिक, पालघर जिल्ह्यात झालेल्या कुमारी मातांच्या प्रकारांची माहिती घेऊन, नेमकं कशामुळे हे प्रकार घडलेत, याची माहिती घेऊन कार्यवाही केली जाईल असेही ते म्हणाले.

यावेळी त्यांनी राज्यपालांच्या भूमिकेबद्दलही आपले मत मांडले. ते म्हणाले की, राज्यपालांनी सरकारच्या बाजूने बोलायला हवे त्यांनी राज्यपालांनी राजकीय बोलणे चुकीचे आहे. शपथविधीवेळी जे झाले ते सर्वांनी बघितले. त्यांना विचारसरणी म्हणून काही बोलावं लागत असेल तर नाईलाज होऊ शकतो. राज्यपाल राज्यघटनेचे संरक्षक, त्यांनी राज्यघटनेला अपेक्षित काम करण्याची गरज असल्याचेही पाडवी यांनी सांगितले. राज्यपाल असो वा अन्य कुणी ज्याने त्याने आपली मर्यादा कायद्याप्रमाणे राखली पाहिजे असेही ते म्हणाले.