वार्षिक हळदी कुंकू कार्यक्रम मोठया उत्साहात संपन्न
नाशिक – नव हितगुज महिला मंडळ हे दरवर्षी नवनवीन उपक्रम घेत असते . महिलांना त्यांच्या कलागुणांना वाव मिळावा म्हणून विविध स्पर्धा व सांस्कृतिक कार्यक्रम आयोजित करते आणि विशेष उल्लेखनीय यश प्राप्त व्यक्तींचा मंडळाचे वतीने गौरवास्पद सन्मान करण्यात येतो . निसर्ग पर्यटनाचा आनंद यासाठी वार्षिक सहल आयोजित केली जाते. मंडळाच्या या विविध उपक्रमांना महिलांचा उत्स्फूर्त सहभाग असतो . नव हितगूज मंडळाने वर्ष २०२१ साठी आपली कार्यकारिणी जाहीर केली असून अध्यक्षा म्हणून सौ. आशा मुसळे यांची निवड केली आहे. या वर्षी मंडळाचे वतीने विविध उपक्रमांचे आयोजन करणार असल्याची माहिती नुतन कार्यकारिणी तर्फे देण्यात आली .
यावेळी नवीन कार्यकारिणीमध्ये उपाध्यक्षा सुचित्रा बाविस्कर, सचिव चित्रा कोठावदे, सहसचिव उज्ज्वला कोठावदे, खजिनदार संध्या कोठावदे, सहखजिनदार प्रतिभा वाणी तर संचालिका प्रणाली बागड, रूपाली येवले, चारूलता शिरूडे, लीना बागड, सीमा सोनजे, ज्योत्सना मोराणकर, सरिता शिरूडे, पल्लवी वेढणे, तर सल्लागार म्हणून विद्या कोठावदे व स्वाती बाह्मणकर यांची एकमताने निवड करण्यात आली.
