अफगाणिस्तान – येथील काबूल भागात भीषण हवाई दुर्घटनेचे वृत्त समोर आले आहे. काबूल येथील स्थानिक वृत्तसंस्था टोलो न्यूजने दिलेल्या माहितीनुसार, दक्षिण हेलमंद प्रांतातील नवा जिल्ह्या भागात अफगाण हवाईदलाच्या दोन हेलिकॉप्टरमध्ये मंगळवारी रात्री टक्कर झाली. यात १५ जण दगावल्याचे म्हटले जात आहे. प्राथमिक अहवालानुसार अपघातात किमान १५ जणांचा मृत्यू झाला असून शोधकार्य सुरु आहे असे स्पष्ट करण्यात आले आहे. हेलिकॉप्टरने कमांडोला आणले जात होते. हेलिकॉप्टर लावणाऱ्या पायलटने नियंत्रण गमावल्यामुळे दोन्ही हेलिकॉप्टरमध्ये धडक झाल्याचे म्हटले जात आहे. यावेळी जखमींना रुग्णालयात हलवण्यात आले. मात्र अपघात भीषण असल्याने यात १५ जणांचा मृत्यू झाल्याचे समोर आले आहे.
