– सर्वाधिक ५७,५८४ रुग्ण बरे होण्याचा विक्रम
– बरे झालेल्या रुग्णांची संख्या १३ लाखांनी अधिक
चाचण्यांची संख्या वाढत असल्यामुळे, रुग्ण पॉझिटिव्ह होण्याचा दर, ८.८१ टक्के इतका कमी राहिला आहे. गेल्या आठवड्यात राष्ट्रीय सरासरी दर ८.८४ टक्के इतका होता.
भारतात गेल्या चोवीस तासात, कोविडचे ५७ हजार ५८४ रुग्ण बरे झाले असून हा ही नवा विक्रम आहे. याच काळात, देशात ५५ हजार ७९ नवे रुग्ण आढळले आहेत. आता अधिकाधिक रुग्ण बरे होत असल्यामुळे आणि त्याना उपचारानंतर सुट्टी दिली जात असल्याने, आतापर्यंत एकूण बरे झालेल्या रुग्णांची संख्या १९ लाख ७७ हजार ७७९ वर पोहोचली आहे. यामुळे, बरे झालेल्या रुग्णांची संख्या आणि सक्रीय रुग्णांची संख्या यातील तफावत १३ लाख ४ हजार ६१३ च्या पुढे गेली आहे.
दररोज बरे होणाऱ्या रुग्णांची संख्या वाढत असल्यामुळे, रुग्ण बरे होण्याचा दर आता ७३.१८ टक्के इतका झाला आहे आणि कोविडचा मृत्यूदर १.९२ टक्यांपर्यंत कमी झाला आहे. केंद्र आणि राज्ये/केंद्रशासित प्रदेशातील सरकारांच्या एकत्रित प्रयत्नामुळे तसेच केंद्र सरकारच्या टेस्ट, ट्रॅक, ट्रीट धोरणामुळे ३० राज्ये आणि केंद्रशासित प्रदेशांमध्ये CFR चा दर राष्ट्रीय सरासरी दरांपेक्षा कमी आहे. आक्रमक चाचण्यांमुळे लवकरात लवकर रुग्ण शोधणे आणि पॉझिटिव्ह रुग्णांना योग्य वेळी अलगीकरणात ठेवता आले. त्याशिवाय, गंभीर रूग्णांवर प्रभावी उपचार पद्धतीचा वापर केल्यामुळे,रुग्णांचा मृत्यूदर देखील कमी झाला आहे.
सध्या देशात एकून सक्रीय रुग्णांची संख्या ६ लाख ७३ हजार १६६ इतकी असून एकूण पॉझिटिव्ह रुग्णांच्या संख्येच्या तुलनेत हा दर २४.९१ टक्के इतका आहे. देशात कोविडची रुग्णसंख्या सातत्याने कमी होत असल्याचेच या आकड्यांवरुन सिध्द झाले आहे.
देशभरात कोविडच्या चाचण्यांसाठीच्या प्रयोगशाळांमध्ये देखील सातत्याने वाढ होत आहे. सध्या देशात, एकूण १४७६ प्रयोगशाळांमध्ये कोविडच्या चाचण्या होत आहेत. त्यापैकी ९७१ प्रयोगशाळा सरकारी तर ५०५ प्रयोगशाळा खाजगी आहेत.
