नाशिक – देवळा तालुक्यातील सरस्वतीवाडी येथील श्रावण दौलत आहेर या शेतकऱ्याने शेतातील लागवड केलेला तीन एकरवर उन्हाळी कांद्यावर ट्रॅक्टरने नांगर फिरवल्यामुळे सर्वांनाच धक्का बसला आहे. बेमोसमी पाऊस, सतत ढगाळ आणि बदलत्या हवामानामुळे कांदा पिकांवर विविध रोगाचा प्रादुर्भाव वाढल्यामुळे आहेर वैतागले. त्यांनी थेट उन्हाळी कांद्यावर ट्रॅक्टरने नांगर फिरवण्याचाच निर्णय घेतला. आहेर यांनी कांद्यावर टॅक्टर फिरवतांनाचा व्हीडीआे देखील समोर आला आहे.
