देवळाली कॅम्प – येथील कॅथलिक ख्रिस्ती बांधवाच्या सेंट पेट्रिक्स चर्च व गवळीवाडा येथील ख्राईस्ट चर्चमध्ये करोना संकटामुळे सरकारी नियमांचे पालन करत नाताळ साधेपणाने साजरा करण्यात आला. गवळीवाडा वाडा भागात असलेल्या ख्राईस्ट चर्चमध्ये रेव्हरंड संदीप गंगोदक यांसह मोजक्याच अनुयायायाच्या उपस्थितीत २४ डिसेंबर रोजी सायंकाळी ७ वा. प्रार्थना सभा घेण्यात आली. २५ डिसेंबर रोजी सकाळी ७ व १० वा. मुख्य उपासना व पवित्र सहभागिता पार पडली. यावेळी सेक्रेटरी पीटर जी वर्रा, आशिष गजार, आदर्श बोर्डे, राजेश गोर्डे, सचिन पारकर, मनोज खोकर, मंदाबाई गजार, स्मिता मिरपगार आदींसह तरुण संघ,शाब्बाथ शाळा,महिला मंडळ भजनी मंडळ व बायबल स्टडी ग्रुपसह ख्रिस्ती बांधव उपस्थित होते.
