नाशिक – इंदिरानगर बोगद्याजवळ महिलेच्या गळ्यातील ४ तोळे वजनाचा सोन्याचा नेकलेस दुचाकीस्वार चोरट्याने हिसकावून पळ काढल्याची घटना रविवारी (दि.१०) सायंकाळी घडली. याप्रकरणी ज्योती शिवाजी बडे (रा. कामटवाडा) यांनी याप्रकरणी मुंबईनाका पोलीस ठाण्यात जबरी चोरीची फिर्याद दाखल केली आहे. ज्योती बडे या त्यांच्या पतीसोबत जॉगिंग ट्रॅकजवळ उभे असताना पाठीमागून आलेल्या चोरट्याने ८० हजार रुपयांचा नेकलेस ओरबाडून पळ काढला. याप्रकरणी मुंबईनाका पोलीस तपास करीत आहेत.
…..
घरातील लॅपटाॅप लंपास
नाशिक – खिडकीतून हात टाकून चोरट्याने घरातील लॅपटाॅप लंपास केल्याची घटना इंदिरनागर येथील कलानगर परिसरात घडली. याप्रकरणी नरेंद्रकुमार भुवनेश्वर सिन्हा (४६) यांनी इंदिरानगर पोलीस ठाण्यात चोरीची फिर्याद दाखल केली आहे. चोरट्याने सिन्हा यांच्या घराच्या खिडकीतून ८ ते १० जानेवारी दरम्यान ३० हजार रुपयांचा लॅपटॉप व ५०० रुपयांचे कार्पेट लंपास केले.
…….
गळफास घेऊन आत्महत्या
नाशिक – देवळाली कॅम्प येथील शिंगवेबहुला परिसरात वडाच्या झाडाला गळफास घेत एकाने आत्महत्या केली. नामदेव शंकर काळे (४५, रा. शिंगवेबहुला) असे आत्महत्या केलेल्या व्यक्तीचे नाव आहे. रविवारी (दि.१०) हा प्रकार उघडकीस आला. याप्रकरणी देवळाली कॅम्प पोलीस ठाण्यात आकस्मिक मृत्यूची नाेंद करण्यात आली आहे.
