नवी दिल्ली – दिल्ली पोलिसांच्या विशेष पथकाने आज शकरपूर भागातून पाच संशयित दहशतवाद्यांना अटक केली आहे. यातील दोन दहशतवादी पंजाबचे तर तीन जण काश्मीरचे आहेत अशी माहिती सूत्रांनी दिली आहे. त्यांच्याकडून हत्यारे आणि अमली पदार्थ जप्त करण्यात आले आहेत. या पाचही जणांना पाकिस्तानी दहशतवादी संघटना ISI चे समर्थन असून; त्यांचा खलिस्तानी संघटनेशी संबंध असल्याचा संशय आहे, असे दिल्ली पोलिसांच्या वतीने पत्रकार परिषदेत सांगण्यात आले आहे.
