नवी दिल्ली – कोरोना विषाणूविरूद्ध सुरू असलेल्या मुक्तीयुद्धा दरम्यान देशातील नागरिकांना दिलासा मिळत आहे. गेल्या २४ तासांत देशातील १५ राज्ये आणि केंद्रशासित प्रदेशांमध्ये कोरोना विषाणूच्या संसर्गाने एकही मृत्यू झाल्याची नोंद नाही, अशी माहिती केंद्रीय आरोग्य मंत्रालयाचे सचिव राजेश भूषण यांनी दिली.
यासंबंधी अधिक माहिती देताना राजेश भूषण म्हणाले की, १४ राज्ये आणि केंद्रशासित प्रदेशात गेल्या आठवड्यांत कोरोनामुळे कोणत्याही मृत्यूची नोंद झालेली नाही. तर ३३ राज्ये आणि केंद्रशासित प्रदेशांमध्ये ५ हजारांपेक्षा कमी सक्रिय रूग्ण प्रकरणे आहेत. सध्या भारतातील एकूण कोरोनापैकी फक्त ३.१२ टक्के रुग्ण प्रकरणे कार्यरत आहेत. त्याचप्रमाणे दर १० लाख लोकसंख्येमध्ये ११२ मृत्यू आहेत. मागील ५ आठवड्यांत दररोज कोरोनामधील सरासरी मृत्यूंमध्ये ५५ टक्क्यांनी घट झाली आहे. त्याचबरोबर राजधानी दिल्लीमध्ये गेल्या २४ तासांत कोरोना विषाणूच्या संसर्गामुळे मृत्यू झालेला नाही.
