दिंडोरी – महाराष्ट्र राज्य महाविद्यालयीन शिक्षकेत्तर कर्मचारी महासंघाच्या वतीने राज्यातील सर्व विद्यापीठातील तसेच महाविद्यालयातील शिक्षकेत्तर कर्मचार्‍यांनी आपल्या प्रलंबित मागण्यांसाठी गुरूवार (दि.२४) पासून राज्यस्तरीय लेखणी बंद व अवजार बंद अंदोलन सुरू केले आहे.या आंदोलनात नाशिक विभागातील क्रांतिवीर व्ही.एन.नाईक शिक्षण प्रसारक संस्थेच्या कला वाणिज्य व विज्ञान महाविद्यालय नाशिक व दिंडोरी महाविद्यालयातील शिक्षकेत्तर कर्मचारी संघटनेच्या स्थानिक शाखेतील पदाधिकारी व सर्व सदस्य यांनी महासंघाने पुकारलेल्या अंदोलनात सहभाग घेतला आहे. शिक्षकेत्तर कर्मचारी वर्गातील ७० टक्के कर्मचार्‍यांना सातवा वेतन आयोग यांना लागु न होणे, सेवाअंतर्गत आशवासीत प्रगती योजनेचे फायदे पूर्वीप्रमाणेच पुन्हा पुर्वलक्षी प्रभावाने लागु करणे, सातवा वेतन आयोगाच्या शिफारसीनुसार सुधारित वेतन संरचना त्वरीत लागु करणे आदी मागन्यांसाठी राज्य महाविद्यालयीन शिक्षकेत्तर कर्मचारी महासंघ व विद्यापीठीय शिक्षकेत्तर कर्मचारी महासंघाच्या वतीने हे लेखणी व अवजार बंद अंदोलन करण्यात आलेले आहेत.यामध्ये महाराष्ट राज्यातील सर्व विद्यापीठातील व महाविद्यालयातील शिक्षकेत्तर कर्मचारी यांनी सहभाग नोंदविला आहे. नाशिक शहर व नाशिक ग्रामिण मधील विविध महाविद्यालयातील सुमारे ४५०० अनुदानित शिक्षकेत्तर कर्मचारी या अंदोलनात सहभागी झाले आहेत.व्ही.एन.नाईक महाविद्यालयात सदरचे आंदोलन यशस्वी करण्यासाठी स्थानिक शाखचे विवेक गामणे,राजेंद्र तिवडे,प्रदिप दरगोडे,सोमनाथ धात्रक,ज्ञानेश्वर सांगळे,रावसाहेब आव्हाड यांच्यासह सर्व सदस्य परिश्रम घेत आहे.
