दिंडोरी : तालुक्यातील कादवा कारखाना येथील बिटेक एमटेक (प्लॅनिंग) झालेल्या प्रांजल शरदचंद्र चव्हाणके हिची दिल्ली येथील आपत्ती व्यवस्थापन आतंरराष्ट्रीय संघटन (सीडीआरआय) मध्ये यंग प्रोफेशनल म्हणून नियुक्ती झाली आहे.
कादवा सहकारी साखर कारखान्याचे स्थापत्य अभियंता शरदचंद्र चव्हाणके यांची कन्या प्रांजल हिने जेईई परीक्षेत यश मिळत शासकीय पुणे अभियांत्रिकी विद्यालयात प्लॅनिंग मध्ये बी टेक तर गेट परिक्षेत देशात १५० वी रँक मिळवत खरगपूर आयआयटी येथे प्रवेश मिळवत एम टेक पूर्ण केले होते .प्रांजल हिच्या यशाबद्दल कादवा कारखान्याचे चेअरमन श्रीराम शेटे यांनी तिचे अभिनंदन करत शुभेच्छा दिल्या.
