दिंडोरी – जिल्हा परिषद प्राथमिक शाळा पिंपळगाव केतकी ता .दिंडोरी जिल्हा नाशिक येथे एम्पथी फाउंडेशन मुंबई, तसेच सर्व शिक्षा अभियान व ग्रामस्थांच्या सहकार्यतून उभारण्यात आलेल्या प्रशस्त नूतन इमारतीचे उदघाटन मान्यवरांच्या हस्ते करण्यात आले. या प्रसंगी मान्यवरांच्या हस्ते वृक्षारोपण करण्यात आले. त्यानंतर एम्पथि फाउंडेशनचे यशवंतजी सोहनी यांच्या हस्ते दीप प्रज्वलित करून कार्यक्रमाची सुरुवात स्वागतगीताने करण्यात आली कार्यक्रमासाठी कृउबा समितीचे उपसभापती अनिलदादा देशमुख, माजी उपसरपंच विनोद देशमुख, शाळा व्यवस्थापन समिती अध्यक्ष भाऊसाहेब मोरे, गटशिक्षणाधिकारी भास्कर कनोज, विस्तार अधिकारी सुभाष पगार, केंद्रप्रमुख पी. डी. चौरे ,आंतरराष्ट्रीय धावपट्टू मोनिका आथरे गावातील सर्व नवनिर्वाचित ग्रामपंचायत सदस्य तसेच जेष्ठ श्रेष्ठ प्रतिष्ठित नागरिक, समस्त ग्रामस्थ व सर्व शिक्षक वृंद उपस्थित होते. पाहुण्यांचे सत्कार समारंभ करतानाचे नियोजन श्रीमती बागुल मॅडम यांनी केले .कार्यक्रमाचे प्रास्ताविक मुख्याध्यापक वाल्मिक अहिरे यांनी केले. कार्यक्रमात एम्पथी फाऊंडेशनचे अतिथी सुरेशजी भवर यांनी शाळेसाठी १० संगणक द्यायचे मान्य केले. आभार प्रदर्शन शाळेचे शिक्षक राजू हंडाळ यांनी केले .
