दिंडोरी तालुक्यातील १७ ग्रामपंचायत सरपंच पदाचे आरक्षण जाहीर

१९९५ पासूनच्या आरक्षण विचार करता आरक्षण काढण्यात आले १७ पैकी अनुसूचित जाती व अनुसूचित जमाती प्रवर्गासाठी प्रत्येकी एक नागरिकांच्या मागास प्रवर्गासाठी पाच जागा आरक्षित करण्यात आल्या. उर्वरित दहा ठिकाणी सरपंच पद खुले असणार आहे. त्यात महिलांसाठीचे आरक्षण ३ फेब्रुवारीला होणार आहे. उतरत्या लोकसंख्या क्रमानुसार व यापूर्वी आरक्षण नसलेल्या ग्रामपंचायतींचे आरक्षण त्यानुसार निश्चित करण्यात आले. एक नागरिकांचे मागास प्रवर्गासाठी अजय गवारे या बालकाचे हस्ते चिठ्ठी काढण्यात आली. त्यात परमोरी ची चिठ्ठी निघाली.यावेळी गटविकास अधिकारी चंद्रकांत भावसार,बाजार समिती सभापती दत्तात्रेय पाटील,उपसभापती अनिल देशमुख,जिप सदस्य भास्कर भगरे,अवनखेड सरपंच नरेंद्र जाधव,ओझरखेड सरपंच गंगाधर निखाडे,बोपेगाव सरपंच वसंत कावळे,लोखंडेवाडी सरपंच संदीप उगले काँग्रेस तालुकाध्यक्ष सुनील आव्हाड जवळके उपसरपंच योगेश दवंगे,भाजप नेते योगेश बर्डे,विनायक शिंदे,अनंत पाटील आदींसह सर्व गावातील नवनिर्वाचित सदस्य ग्रामस्थ उपस्थित होते. अनुसूचित क्षेत्रासह सर्व ग्रामपंचायतीचे सरपंच पद महिला राखीव आरक्षण तीन फेब्रुवारीला होणार आहे. दरम्यान आरक्षण सोडत होताच सरपंच पदासाठी मोर्चेबांधणी सुरू झाली आहे.