दिंडोरी- ऑनलाइन शिष्यवृत्तीचा घोटाळा झाला असून सदर दोषींवर कारवाई व्हावी यासाठी महाराष्ट्र राज्य विदयार्थी विकास संघटनेतर्फे संघटनेचे अध्यक्ष नितीन बोढारे यांच्या नेतृत्वाखाली पोलिस महानिरीक्षक दिघावकर यांना निवेदन देण्यात आले. या निवेदनात म्हंटले आहे की, नाशिक जिल्ह्यातील मालेगाव येथे ३२० विदयार्थ्यांच्या झालेल्या शिष्यवृत्तीतील ऑनलाइन घोटाळा करणाऱ्या वर कारवाई व्हावी, शिक्षण क्षेत्रातील भ्रष्टाचार कमी व्हावा, विदयार्थ्यांना न्याय मिळावा ,ते हक्काच्या शिष्यवृत्ती पासून वंचित राहू नये असे म्हटले आहे. हे निवेदन देतांना संघटनेचे अध्यक्ष नितीन बोढारे ,मोहन वाघेरे, शशिकांत शार्दूल, निकेतन जाधव, गोकुळ शिंदे, भूषण पवार उपस्थित होते.
