दिंडोरी – तालुक्यात झालेल्या जोरदार पावसामुळे धरणसाठा तब्बल ७१ टक्क्यांवर गेला आहे. पुणेगाव धरण ९५ टक्के भरल्याने धरणाच्या तीन गेट मधून ४५० क्युसेस पाण्याचा विसर्ग उनंदा नदीपात्रात सुरू करण्यात आला आहे. त्यामुळे ओझरखेंड धरण्याच्या पाणीपातळीत वाढ होऊन ओझरखेंड धरण ६०.८५ टक्के इतके भरले आहे.
दिंडोरी तालुक्याच्या पश्चिम भागांमध्ये शुक्रवारी रात्री १० वाजता वळीव स्वरूपाचा जोरदार पाऊस झाला. त्यामुळे करंजवण धरणामध्ये एकाच दिवशी ७ % पाणी वाढले आहे. त्यामुळे करंजवणचा पाणीसाठा ७५.०२ टक्के इतका झाला आहे. तर पालखेंड धरण ८८% भरले असून या धरणाचे पाणी कॅनाल द्वारे सोडण्यात आले आहे. वाघाड धरणाचा पाणीसाठा ८०.५२ इतका झाला आहे असून सर्वात कमी म्हणजे २७.६०% पाणीसाठा तीसगाव धरणाचा आहे तीसगाव गळता सर्व धरणांमध्ये समाधानकारक पाणीसाठा आहे.
तालुक्यात एकूण ७५६ मिमी पाऊस पडला असून यंदाची सरासरी गाठली आहे. दिडोरी तालुक्यातील सात विभागापैकी आतापर्यत सर्वात जास्त पाऊस ननाशी विभाग (१२७८ मिमी) पडला असून वरखेडा विभागात (१०१०) कोशिंबे विभागात (८०४) उमराळे विभाग (७१५) वणी विभाग (५८६) दिंडोरी विभाग (५०७) तर सर्वात कमी पाऊस मोहाडी विभाग (३९५) इतका पाऊस झाला आहे.
