कळवण – मध्यप्रदेश येथून कळवण येथे दारूचे बॉक्स घेऊन जाणारा ट्रॅक्टरचा अपघात झाला. मंगळवारी दुपारी हा घटना घडली. मुंबई-आग्रा महामार्गावरून उमराणे कडे जात असताना समोरून येणाऱ्या वाहनाने ट्रॅक्टरला हुलकावणी दिली. त्यामुळे चालकाचे नियंत्रण सुटले. ट्रॅक्टर रस्त्याच्या कडेला खड्यात जाऊन पलटी झाला. या अपघाताची संधी साधत खाली पडलेल्या विदेशी दारूच्या बाटल्या तळीरामांनी पळवत हात साफ केला. अपघाताची बातमी समजताच येथे गर्दी झाली. देवळा पोलीस स्थानकाचे कर्मचारी घटना स्थळी पोहचल्यावर अनेकांनी मात्र धूम ठोकली.
