मुंबई – गूळ हा साखरेचा उत्तम पर्याय म्हणून ओळखला जातो. म्हणूनच याला ‘सुपरफूड स्वीटनर’ असेही म्हणतात. साखर किंवा गूळ या दोन्हींमध्ये समान प्रमाणात कॅलरी आढळतात, परंतु बर्‍याच आवश्यक जीवनसत्त्वे आणि खनिजे देखील गुळामध्ये आढळतात. त्यात लोह देखील मुबलक प्रमाणात आहे, अशक्तपणाच्या समस्येवर अतिशय रामबाण उपाय म्हणून गुळ महत्वाचा समजला जातो.
गुळाचे सेवन करणे आरोग्यासाठी फायदेशीर आहे. बर्‍याच जणांना जेवणांनंतर गूळ खायला आवडतो. वास्तविक, यामुळे पचन सुधारते. त्याचा प्रभाव उत्तम असल्याने हिवाळ्यात त्याचे सेवन करणे चांगले.
डोळ्यांसाठी फायदेशीर
कमकुवत डोळ्यांसाठी, गूळ कोणत्याही औषधापेक्षा कमी नाही. यामुळे डोळ्यांचे त्रास झपाट्याने कमी होतात. डोळ्यांच्या समस्या असल्यास गुळाचे नियमित सेवन करावे.
हृदयासाठी चांगले
गुळाचे सेवन हृदयासाठी फायदेशीर आहे. रक्तातील हिमोग्लोबिनचे प्रमाण वाढविण्यास मदत करते आणि हृदयरोगाचा धोका कमी करते. याशिवाय रोग प्रतिकारशक्ती देखील वाढवते.
ऍसिडीसाठी उपयुक्त
पोटाच्या समस्येमध्येही गुळ सेवन करणे फायदेशीर ठरते. जर आपण गॅस किंवा ऍसिडिटीच्या समस्येमुळे त्रस्त असाल तर जेवणानंतर गूळ नक्की खावा. यामुळे पोटाच्या समस्या दूर होतात.
रक्तदाब नियंत्रित करते
गूळ हे आयुर्वेदिक औषध आहे, जे रक्तदाब नियंत्रित करण्यास मदत करते. ज्यांना उच्च रक्तदाबची समस्या आहे त्यांनी गूळ अवश्य खावा. रक्तदाब सामान्य पातळी आणण्यासाठी गूळ महत्त्वपूर्ण भूमिका बजावतो.
