त्वरा करा! या कार्स वर मिळतोय बंपर डिस्काउंट

मुंबई – भारतीय आटोमोबाईल मार्केटमध्ये हॅचबॅक कारची चांगलीच मागणी राहिलेली आहे. कमी किंमत, कमी मेन्टनन्स आणि उत्तम मायलेजमुळे जास्तीत जास्त भारतीयांचा हॅचबॅक कारकडे कल आहे. आता तुम्हालाही जर हॅचबॅक कार घ्यायच्या असतील तर एक उत्तम संधी चालून आली आहे. मारुती सुझुकी, ह्युंदाई आदी ब्रांड्सने आपल्या स्वस्त हॅचबॅक कारवर डिस्काऊंट घोषित केला आहे.

Hyundai Santro

ह्युंदाईने या महिन्यापासून सर्वांत स्वस्त एन्ट्री लेव्हल कार सँट्रोच्या किंमतीवर मोठी सूट जाहीर केली आहे. या महिन्यात जर ही कार खरेदी केली तर ५० हजार रुपयांची जबदरस्त सवलत मिळणार आहे. याशिवाय एक्स्चेंज बोनससह इतरही फायदे होणार आहे. १.१ लीटर क्षमतेचे पेट्रोल इंजीन यामध्ये आहे. तर ४.६७ लाख ते ६.३५ लाख रुपयांपर्यंतची रेंज आहे. २० किलोमीटर प्रतीलीटर असे मायलेज आहे.

Maruti Alto

मारुती सुझुकीची यापेक्षा स्वस्त कार नाही. ७९६ सीसी क्षमतेचे तीन सिलेंडर वापरता येतील असे पेट्रोल इंजीन यात आहे. यात तब्बल ३९ हजार रुपयांची सवलत या महिन्यात खरेदी केल्यास मिळू शकते. ही आफर पेट्रोल आणि सीएनजी अश्या दोन्ही कारवर आहे. २.९९ लाख ते ४.४८ लाख रुपयांपर्यंतची रेंज आहे आणि २२ किलोमीटर प्रतीलीटर मायलेज आहे.

Renault Kwid

ही कार ०.८ आणि १.० लीटर क्षमतेच्या पेट्रोल इंजिनच्या पर्यायासह उपलब्ध आहे. या महिन्यात कार खरेदी केली तर ५० हजार रुपयांची बचत शक्य आहे. कंपनीच्या अधिकृत संकेतस्थळावर ही माहिती दिली आहे. कारच्या खरेदीवर आकर्षक फायनान्स स्कीमही कंपनीने दिली आहे. ५.९९ टक्के व्याजदराने कार खरेदी करता येणार आहे. ३.१२ ते ५.३१ लाख रुपयांपर्यंतची रेंज आहे. तर २० ते २२ किलोमीटर प्रती लीटर मायलेज आहे.

Datsun Redi-Go

कंपनीची एन्ट्री लेव्हल हॅचबॅक कार Redi-GO सुद्धा दोन पेट्रोल इंजीनच्या पर्यायासह उपलब्ध आहे. यात ०.८ आणि १.० लीटर क्षमतेचे पेट्रोल इंजीनही यात आहे. यावर ४५ हजार रुपयांची सवलत कंपनीने दिली आहे. ही आफर ३१ मार्चपर्यंतच आहे. २.८३ लाख ते ४.७७ लाख रुपयांची रेंज आहे आणि २० ते २२ किलोमीटर प्रती लीटर मायलेज आहे.