त्र्यंबकेश्वर – त्र्यंबकेश्वर मंदिर देवस्थान ट्रस्टच्या विश्वस्त आणि त्र्यंबक नगरीच्या माजी नगराध्यक्षा सौ.तृप्ती पंकज धारणे यांची भाजपाच्या जिल्हा चिटणीस पदावर नियुक्ती झाली आहे. तृप्ती धारणे यांचे त्र्यंबकेश्वर शहरात अभिनंदन होत आहे. त्र्यंबकेश्वर देवस्थानच्या त्या विश्वस्त आहेत त्याच प्रमाणे २०१२ मध्ये नगर पालिकेच्या सार्वत्रिक निवडणूकीत भाजपाच्या चिन्हावर त्या बिनविरोध निवडून गेलेल्या नगरसेविका राहिल्या आहेत. विशेष म्हणजे त्या पंचवार्षिक निवडणुकीत भाजपाच्या एकमेव नगरसेविका होत्या आणि त्यांना नगराध्यक्षपद भुषविण्याची संधी मिळाली होती. जून २०१८ पासून त्या त्र्यंबकेश्वर मंदिर ट्रस्टवर विश्वस्त आहेत. भाजपाचे जिल्हाध्यक्ष केदा आहेर यांनी जाहीर केलेल्या कार्यकारीणी मध्ये तृप्ती धारणे यांची चिटणीस पदावर नियुक्ती झाली आहे. तसेच नगराध्यक्ष पुरूषोत्तम लोहगावकर हे कायम निमंत्रीत सदस्य म्हणून आणि नगरसेवक शामराव गांगपुत्र आणि कमलेश जोशी यांना जिल्हा कार्यकारीणी सदस्य म्हणून नियुक्ती देण्यात आली आहे. या सर्वांचे शहरात अभिनंदन होत आहे.
हार्दिक अभिनंदन तृप्ती, खुप खुप शुभेच्छा