तृणमूल खासदाराच्या गौप्यस्फोटाने सर्व खासदारांच्या पाया खालची जमीन सरकली

नवी दिल्ली – माझ्यावर पाळत ठेवली जात आहे, असा धक्कादायक दावा तृणमूल काँग्रेसच्या खासदार महुआ मोईत्रा यांनी केला आहे. या गौप्यस्फोटानं खासदारांच्या पायाखालची जमीनच सरकली. मागणी केलेली नसताना माझ्या घरासमोर पोलिस तैनात करण्यात आले आहेत, असं मोईत्रा यांनी म्हटलं आहे. याबद्दल त्यांनी ट्विटर अकाउंटवरून ट्विट केलं आहे. दिल्लीच्या निवास्थानाबाहेर तैनात केलेल्या पोलिसांचे छायाचित्र त्यांनी ट्विट केलं आहे.

दिल्लीचे पोलिस आयुक्त एस. एन. श्रीवास्तव आणि बाराखंबा रोड पोलिस ठाण्याच्या अधिकाऱ्यांकडे त्यांनी पोलिस सुरक्षा हटवण्याची मागणी केली आहे. दिल्लीतल्या शासकीय निवासस्थानाबाहेर शुक्रवारी रात्री दहाला सीमा सुरक्षा दलाचे तीन सशस्त्र जवान त्यांच्या घराबाहेर नेमले आहेत, असं त्यांनी म्हटलं आहे.

Our brave young men sign up for the BSF to guard India’s borders – using them for durwan duty outside my home is a bit silly, isn’t it, @CPDelhi , @MHAIndia pic.twitter.com/LViFEu2HOt

— Mahua Moitra (@MahuaMoitra) February 13, 2021

जवानांच्या हालचालीवरून असं दिसतं की, ते माझ्या हालचालींच्या नोंदी ठेवत आहेत. मी एका पाळतेखाली आहे, असं मला जाणवत आहे. देशाची नागरिक म्हणून राइट टू प्रायव्हसी हा मला मूलभूत अधिकार असल्याचंही त्यांनी पत्रात म्हटलं आहे. सोबतच ही सुरक्षा व्यवस्था काढून घेण्याची मागणीही त्यांनी केली.

राष्ट्रपती रामनाथ कोविंद यांच्या अभिभाषणादरम्यान खासदार मोईत्रा यांनी माजी सरन्यायाधीश रंजन गोगोई यांच्याबद्दल वादग्रस्त विधान केलं होतं. भाजप सदस्यांनी आणि सरकारनं यावर आक्षेप घेतला होता.