मुंबई – बहू हमारी रजनीकांत या सुपरहीट मालिकेतून अभिनेत्री रिद्धिमा पंडीत घराघरांत पोहोचली होती. रिद्धिमाने या मालिकेत रोबोटची भूमिका गाजवली होती. मात्र ही सिरीयल बंद झाल्यानंतर रिद्धिमाची फारशी चर्चा नव्हती. परंतु, अलीकडेच रिद्धिमाचा एक व्हिडीओ सोशल मिडीयावर व्हायरल झाला आहे. या व्हिडीओवर कॉमेंटसचा जबरदस्त पाऊस पडतोय.
या व्हिडीओमध्ये रिद्धिमा आटोरिक्षात प्रवास करताना दिसत आहे. पण तिला कॅमेरा दिसताच तिने आपले तोंड लपवले. पण फॅन्स ते फॅन्स. भारतात सेलब्रिटींचे चाहते कुठल्या थराला जातील याचा काही नेम नाही. एका चाहत्याने धावत्या आटोचा पाठलाग केला आणि आपल्या दुचाकीवरून तिला प्रश्न विचारला, ‘कश्या आहात रिद्धिमा मॅडम, आज आटोमध्ये? कुठे आहे तुमची मर्सिडीझ?’ या प्रश्नावर एखाद्या सेलिब्रिटीला अवघडल्यासारखे वाटणे स्वाभाविक आहे. पण रिद्धिमाला मुळीच वाईट वाटले नाही आणि एका वाक्यात जबरदस्त उत्तर देऊन तिने चाहत्याचे तोंडच बंद केले.
‘सर्व्हिसींगला गेली आहे’ असे एका वाक्यात उत्तर देऊन रिद्धिमाने चाहत्यापासून पिच्छा सोडवला. पण हा एवढाच व्हिडीओ सोशल मिडीयावर व्हायरल झाला. प्रसिद्ध छायाचित्रकार विरल भयानी याने आपल्या अधिकृत इन्स्टाग्राम अकाऊंटवरून हा व्हिडीओ पोस्ट केला आणि त्यासोबत ‘ये मजा कुछ और है’ असे कॅप्शन टाकले. पण रिद्धिमाने ते फार मनाला लावून घेतले नाही. तिने त्याखाली ‘मी जेव्हाही घराबाहेर पडते तेव्हा पापाराझी मला ओळखून घेतात आणि क्लिक करायला तर मुळीच विसरत नाहीत’. रिद्धिमाने अनेक मालिका तसेच जाहिरातींमध्ये काम केले आहे. खतरों के खिलाडीच्या नवव्या सिझनमध्येही ती होती. कॉमेडियन कपिल शर्मच्या शोमध्येही ती झळकलेली आहे.
