कारच्या धडकेत वृद्धाचा मृत्यू
नाशिक – रस्ता ओलंडत असताना भरधाव कारने धडक दिल्याने जखमी झालेल्या वृद्धाचा उपचारादरम्यान मृत्यू झाला. सुभाष वामन दाणी (वय ६३) असे मृत्यू झालेल्या व्यक्तीचे नाव आहे. याप्रकरणी सुनील दिगंबर पगारे (रा. दादासाहेब गायकवाड नगर) यांनी दिलेल्या फिर्यादीवरून म्हसरुळ पोलीस ठाण्यात अज्ञात कारचालकाविरुद्ध गुन्हा दाखल करण्यात आला.
पोलिसांनी दिलेल्या १५ डिसेंबर २०२० रोजी सायंकाळी साडेपाच वाजता सुभाष दाणी हे म्हसरुळ परिसरातील रोहिणी हॉटेल येथे रस्ता ओलंडत होते. यावेळी दिंडोरीकडून नाशिककडे येणाºया अज्ञात भरधाव कारने दाणी यांना धडक दिली. त्यामुळे दाणी यांचे डोके व हातापायास मार लागला. उपारासाठी एका खासगी रुग्णालयात दाखल करण्यात आले असता दाणी यांचा मृत्यू झाला.
————
कारच्या धडकेत तरुण जखमी
नाशिक – कारने मोटारसायकलला दिलेल्या धडकेत एक जण जखमी झाला. याप्रकरणी सचिन एकनाथ लोखंडे (रा. शनिमंदिरामागे, पाथर्डीफाटा) यांनी दिलेल्या फिर्यादीवरून कारचालकाविरुद्ध गुन्हा दाखल करण्यात आला आहे. शनिवारी (दि. २) सकाळी दहा वाजेच्या सुमारास सचिन लोखंडे हे नाशिकरोडकडून पाथर्डी फाट्याकडे जात असताना समोरून येणारी कार क्र. (एमएच १५ ईएक्स ५२१०) ने लोखंडे यांच्या मोटारसायकला धडक दिली. यात लोखंडे यांचा पाय व खुब्याला दुखापत झाली आहे.
————
मोटारसायकल धडकेत वृद्ध जखमी
नाशिक – भरधाव येणाऱ्या मोटारसायकलने धडक दिल्याने वृद्धास दुखापत झाली. याप्रकरणी कुंडलिक लक्ष्मण गांगुर्डे (वय ६६) यांनी दिलेल्या फिर्यादीवरून संशयित गोटीराम जाधव (रा. कोळीवाडा, बेळगावढगा) यांच्याविरोधात गुन्हा दाखल झाला आहे. रविवारी (दि. ३) रात्री नऊच्या सुमारास संशयित गोटीराम जाधव याने भरधाव मोटारसायकल चालवून पायी जात असलेल्या गांगुर्डे यांना धडक दिली. यात गांगुर्डे हे जखमी झाले आहे.
—
