नाशिक – मित्रांसमवेत गप्पा मारत उभ्या असलेल्या तरुणावर दोघांनी धारदार शस्त्राने हल्ला केल्याची घटना सिडकोतील डीजीपी नगर भागात घडली. या घटनेत युवक जखमी झाला असून पोलीसांनी दोघा संशयीतांना बेड्या ठोकल्या आहेत. याप्रकरणी अंबड पोलीस ठाण्यात गुन्हा दाखल करण्यात आला आहे.
किशोर आहेर उर्फ घाऱ्या व संजू साळुंके अशी अटक केलेल्या संशयीतांची नावे आहेत. याप्रकरणी अक्षय उत्तम जाधव (२१ रा.दत्तनगर, वरचे चुंचाळे) या युवकाने याप्रकरणी तक्रार दाखल केली आहे. इक्षय जाधव गुरुवारी (दि.१) डीजीपीनगर भागात गेला होता. लॉर्डस बेकरी समोर तो आपल्या मित्रांसमवेत गप्पा मारत असतांना ही घटना घडली. दोघा संशयीतांनी अक्षय यास गाठून कुठलेही कारण नसतांना शिवीगाळ केली. यावेळी त्याने प्रतिकार केला असता दोघांनी लाथाबुक्यांनी बेदम मारहाण करीत धारदार शस्त्राने हल्ला केला. या घटनेत जाधव जखमी झाला असून पसार झालेल्या दोघांना पोलीसांनी बेड्या ठोकल्या आहेत. अधिक तपास उपनिरीक्षक गवांदे करीत आहेत.
