तयार रहा! लवकरच येताय हे चित्रपट…

नवी दिल्ली –  कोरोनामुळे २०२० हे वर्ष चित्रपट उद्योगासाठी अत्यंत वाईट गेले. या क्षेत्राची उलाढाल मंदावली. कोट्यवधींचा फटका बसला. आता २०२१ मध्ये चित्रपट उद्योग पुन्हा एकदा पूर्ण सामर्थ्याने पुनरागमन करण्याची तयारीत आहे. त्यामुळेच चित्रपटांच्या रिलीज तारखांची घोषणा केली जात आहे.

        यश राज फिल्म्सने २०२१ मध्ये चित्रपटगृहांमध्ये प्रदर्शित होणार्‍या आपल्या चित्रपटांची यादी जाहीर केली आहे.  ट्विटरवर शेअर केलेल्या यादीनुसार संदीप अॅण्ड पिंकी फरार हे चित्रपटगृहांमध्ये दाखल होतील. या चित्रपटात अर्जुन कपूर आणि परिणीती चोप्रा मुख्य भूमिकेत आहेत.  दिबाकर बॅनर्जी यांनी या चित्रपटाची निर्मिती व दिग्दर्शन केले आहे.

बंटी अँड बबली (न्यू ) हा २३ एप्रिल रोजी रिलीज होणार आहे. या चित्रपटात सैफ अली खान, राणी मुखर्जी आणि सिद्धांत चतुर्वेदी मुख्य भूमिकेत दिसणार आहेत. या चित्रपटाचे दिग्दर्शन वरुण व्ही. शर्मा यांनी केले आहे.  या चित्रपटाची निर्मिती आदित्य चोप्रा यांनी केली आहे.

   रणबीर कपूर, वाणी कपूर आणि संजय दत्तचा शमशेरा २५ जूनला रिलीज होणार आहे. २०१८ मध्ये रिलीज झालेल्या संजय दत्तच्या बायोपिक संजूनंतर रणबीर या चित्रपटासह मोठ्या पडद्यावर परतणार आहे.  या चित्रपटाचे दिग्दर्शन करण मल्होत्रा ​​यांनी केले आहे.  या चित्रपटाची निर्मिती आदित्य चोप्रा यांनी केली आहे.

https://twitter.com/yrf/status/1362025254420365321

२७ ऑगस्ट रोजी रणवीर सिंगचा चित्रपट जयेशभाई हा सिनेमागृह गाजवेल. दिव्यांग ठाकूर दिग्दर्शित या चित्रपटात रणवीरसोबत शालिनी पांडे, बमन इराणी, आणि रत्न पाठक शाह मुख्य भूमिकेत दिसणार आहेत. या चित्रपटाची निर्मिती मनीष शर्मा यांनी केली आहे.

       पृथ्वीराज हा चित्रपट नोव्हेंबरला दिवाळीला येणार आहे. डॉ. चंद्रप्रकाश द्विवेदी दिग्दर्शित पृथ्वीराज या वर्षीच्या बहुप्रतिक्षित चित्रपटांमध्ये सामील आहेत. अक्षय कुमार या चित्रपटात मुख्य भूमिकेत दिसणार आहे.  त्याचबरोबर मानुषी छिल्लर या चित्रपटामधून अभिनेत्री म्हणून पदार्पण करणार आहे.

संजय दत्त आणि सोनू सूदसुद्धा महत्त्वपूर्ण भूमिकेत दिसतील. या चित्रपटाची निर्मिती आदित्य चोप्रा यांनी केली आहे. पृथ्वीराजचा सामना बॉक्स ऑफिसवर शाहिद कपूरच्या जर्सी या चित्रपटाशी होणार आहे.