मुंबई : चित्रपट निर्माता फिरोझ नाडियादवाला यांच्या पत्नीसह चौघांना एनसीबीने ड्रग्स प्रकरणी रविवारी अटक केली. त्यांना सोमवारी वैद्यकीय तपासणीसाठी नेण्यात आले. याप्रकरणी नाडियादवाला यांनाही चौकशीसाठी बोलावण्यात येणार आहे.
बॉलिवूड ड्रग्स कनेक्शन प्रकरणी एनसीबीने रविवारी नाडियादवाला यांच्या पत्नीला अटक केली. मुंबई एनसीबीचे विभागीय संचालक समीर वानखेडे यांनी ही माहिती दिली. नाडियादवाला यांनाही समन्स बजावण्यात आले असून दीपिका पदुकोणची मॅनेजर करिष्मा प्रकाश हिला चौकशीसाठी मंगळवारी बोलावण्यात आले आहे. याआधी नाडियादवाला यांच्या घरी धाड टाकण्यात आली असून तेथून ड्रग्स मिळाल्याचे वृत्त आहे. या कारवाईदरम्यान काही जणांना ताब्यातही घेण्यात आले आहे.
