पुणे – प्रोग्रेसिव्ह एज्युकेशन सोसयटीचे माजी सचिव व पुणे येथील मॉडर्न महाविद्यालयचे माजी उपप्राचार्य प्रा. डॉ. जगदीश पुंडलिक चिंचोरे (६७) यांचे आज सायंकाळी पुणे येथे दुःखद निधन झाले. डांगसौंदाणे (ता. बागलाण, जि. नाशिक) मुळ गाव असलेले प्रा डॉ जगदीश चिंचोरे यांचे प्राथमिक शिक्षण हे ग्रामीण भागातच झाले असल्याने त्यांची ग्रामीण भागातील विद्यार्थ्याना नेहमीच उच्च शिक्षणासाठी मदत होत असे. राष्ट्रपती आदर्श शिक्षक पुरस्कार प्राप्त प्रा. चिंचोरे यांनी पुण्यात शैक्षणिक क्षेत्रात आपले नाव अग्रस्थानी ठेवले होते. मविप्र शिक्षणसंस्थेतील सेवा निवृत्त मुख्याध्यापक विनायक चिंचोरे यांचे ते लहान बंधू होत. त्यांच्या निधनामुळे सर्व स्तरातून श्रद्धांजली व्यक्त केली जात आहे.
