गुवाहाटी – आसाममधील आयआयटी जेईई प्रवेश परीक्षेमध्ये मोठ्या प्रमाणात गैरकारभार झाल्याचे उघड झाले आहे. या प्रकरणी पोलिसांनी आयआयटीमध्ये उमेदवाराच्या जागी परीक्षा देणार्‍या डमी उमेदवार, त्यांचे डॉक्टर यांच्यासह 5 जणांना अटक केली आहे.
या परीक्षेत या उमेदवाराला 99.8 टक्के गुण मिळाले आहेत. या प्रकरणात पोलिसांनी त्याच्या डॉक्टर वडिलांसह अन्य तिघांनाही अटक केली आहे. गुरुवारी आरोपीला स्थानिक न्यायालयात हजर केले जाईल. या प्रकरणात मित्रदेव शर्मा नावाच्या व्यक्ती विरुद्ध 23 ऑक्टोबर रोजी गुन्हा दाखल केला होता, असे पोलिसांनी सांगितले. व्हायरल फोन कॉल रेकॉर्डिंग आणि व्हॉट्सअॅप चॅट स्क्रीनशॉटवर आधारित ही तक्रार होती. सप्टेंबरमध्ये झालेल्या जेईई-मेन्स परीक्षेत एका उमेदवाराने दुसर्‍या उमेदवाराला आपल्या जागी परिक्षेला बसविले होते, असे त्यांनी आपल्या तक्रारीत सांगितले. यामुळे त्याला 99.8 टक्के गुण मिळाले. या तक्रारीवरून पोलिसांनी तपास पथक स्थापन केले. त्यांनी पाच जणांना अटक केली.
अटक केलेल्या उमेदवाराने मित्राशी फोनवर जेईईमध्ये आणखी एक बसवण्याची माहिती सामायिक केली होती. पोलिसांनी हे कॉल रेकॉर्डिंगही हस्तगत केले आहेत तक्रारदाराच्या म्हणण्यानुसार, परीक्षेच्या दिवशी उमेदवार बायोमेट्रिक हजेरी लावून परीक्षा केंद्रात प्रवेश केला आणि कक्ष निरीक्षकाच्या मदतीने बाहेर आला. तर त्याऐवजी दुसर्‍याने परीक्षा दिली. उमेदवाराने आत जाऊन उत्तर पुस्तकात आपले नाव व रोल नंबर भरला. गुवाहाटी येथील कोचिंग संस्थासुद्धा या प्रकरणात गुंतागुंत असल्याचा आरोप आहे. तक्रारदार आणि उमेदवाराचा मित्र यांच्यातील संबंधांबद्दल पोलिसांनी कोणतीही माहिती दिली नाही. पोलिसांनी या प्रकरणातील चाचणी संस्था नॅशनल टेस्टिंग एजन्सीकडेही संपर्क साधला आहे.
पोलिसांनी सांगितले की, परीक्षा केंद्र सील करून व्यवस्थापनाला समन्स बजावले गेले आहे. तर गुवाहाटीचे पोलिस आयुक्त गुप्ता म्हणाले की, परीक्षेला बसण्यासाठी डमी प्रतिनिधी वापरल्याबद्दल आसाममधील संयुक्त प्रवेश परीक्षा (जेईई) मेन्सच्या टॉपरविरूद्ध आसामच्या अझरा पोलिसात एफआयआर (एफआयआर) दाखल करण्यात आला आहे. पोलीसांनी सांगितले की, आम्ही खटल्याची चौकशी केली आहे आणि हे सिध्द केले आहे की, या उमेदवाराने दुसर्‍या एजन्सीच्या मदतीने डमी प्रतिनिधीचा वापर केला होता. गुवाहाटी येथील परीक्षा केंद्रातील कर्मचारीदेखील या घोटाळ्यात सामील होते. या गुन्ह्यात सहभागी असलेल्यांचा शोध घेण्यात येत आहे.
