मुंबई – सुप्रसिद्ध हॉलिवूड दिग्दर्शक ख्रिस्तोफर नोलान यांच्या ‘टेनेट’ चित्रपटातून अभिनेत्री डिम्पल कपाडिया यांनी आंतरराष्ट्रीय स्तरावर पदार्पण केले आहे. या चित्रपटातील डिंपलची भूमिका आणि चित्रपटादरम्यान नोलान यांच्यासोबत जुळलेले नाते यांमुळे खन्ना परिवार खुश आहे. पण, या सगळ्यात बॉलिवूड अभिनेता आणि डिम्पल कपाडिया यांचा जावई अक्षय कुमार मात्र नाराज आहे. आणि त्याने आपली ही नाराजी सोशल मीडियावर व्यक्त केली आहे. माझ्या सासूबाईंनी आधी नोलान यांच्यासोबत काम केले आहे, तर माझ्या पत्नीने, ट्विंकल खन्ना हिने त्यांची मुलाखत घेतली आहे. आता मी एकटाच आहे, जो त्यांना भेटलेला नाही. त्यामुळे तुम्ही हा इंटरव्ह्यू ऐका, तोवर मी माझं दुःख हलकं करून येतो, असे अक्षयने हा इंटरव्ह्यू सोशल मीडियावर शेअर करताना म्हटले आहे.
डिम्पल कपाडिया या चित्रपटासाठी ऑडिशन देताना नर्व्हस होती का, असे ट्विंकलने नोलान यांना विचारले असता, त्यांनी सांगितले की, हे पहिल्यांदा घडलेले नाही. हा जो नर्व्हसनेस आहे, तो प्रत्यक्षात या कलाकारांचा विनम्रपणा असतो. ४ डिसेंबर रोजी टेनेट भारतात प्रदर्शित झाला. या चित्रपटाने सुरुवातीच्याच आठवड्यात जवळपास ५ कोटींचे कलेक्शन केले.
