चांदवड- ट्रेंट म्युझिक निर्मित ” गूज पावसाचे ” या पावसावरील गीतांच्या अल्बमचे चित्रीकरण देवपूर सिन्नर येथे नुकतेच संपन्न झाले, या अल्बमला ट्रेंट म्युझिकचे गायक ऋषिकेश शेलार यांचे संगीत असून त्यांच्याच आवाजात ही गाणी ध्वनी मुद्रित करण्यात आली आहे. संगीत संयोजन अनिल धुमाळ यांचे असून महाराष्ट्रातील प्रसिद्ध कवी प्रकाश होळकर, लोककवी प्रशांत मोरे, विष्णू थोरे,रवींद्र कांगणे,प्रशांत केंदळे यांची गीते आहेत. लवकरच ही गीते ट्रेंट म्युझिकच्या यु ट्यूब पेज वर प्रसारित होणार असून नाशिक जिल्ह्यातील कवींच्या कविता गीतांच्या रुपात ऐकण्यासाठी रसिक उत्सुक आहेत.
वंडांगळी येथे झालेल्या चित्रीकरणाच्या शुभारंभा प्रसंगी साहेबराव पानसरे, राजू बनसोडे,ऋषिकेश शेलार,रवींद्र कांगणे,विष्णू थोरे, बाल कलाकार सर्वस्व काकुळते, अद्विका पाटील..अभिनेता प्रतिक मिठे, अभिनेत्री पाटील, डिओपी,अनिमेश क्षत्रिय आदी उपस्थित होते.
