नाशिक – भरधाव मोटरसायकल झाडावर आदळल्याने झालेल्या दुचाकीस्वार ठार झाला तर एक जण जखमी असून त्याच्यावर उपचार सुरू आहेत. हा अपघात मखमलाबाद-मातोरी मार्गावर झाला. याप्रकरणी म्हसरूळ पोलीस ठाण्यात अपघाताची नोंद करण्यात आली आहे.
शरद चंदर गांगुर्डे (३५) असे ठार झालेल्या दुचाकीस्वाराचे नाव असून त्याच्या समवेत प्रवास करणारे रामचंद्र भानुदास तांदळे (४२ रा.दोघे मातोरी ता.जि.नाशिक) हे या अपघातात जखमी झाले आहेत. गांगुर्डे आणि तांदळे हे दोघे बुधवारी (दि.२३) रात्री मखमलाबाद गावातून एमएच १५ एचजे ११२४ या दुचाकीवर मातोरीच्या दिशेने प्रवास करीत असतांना हा अपघात जाला. भरधाव वेगात दोघे जण प्रवास करीत असतांना जांब ओहोळ परिसरातील हिंद केसरी हॉटेल जवळील हेंगडे मळ्यासमोर रस्त्यात असलेल्या झाडावर दुचाकी आदळी. या अपघातात गांगुर्डे ठार झाला तर तांदळे गंभीर जखमी असून त्याच्यावर उपचार सुरू आहेत. याप्रकरणी सागर उर्फ बंटी लिलके यांनी दिलेल्या तक्रारीवरून गुन्हा दाखल करण्यात आला असून अधिक तपास हवालदार पवार करीत आहेत.
मुंबईच्या महिलेचे मंगळसूत्र खेचले
नाशिक – विवाह सोहळ्यानिमित्त आलेल्या मुंबईच्या महिलेचे मंगळसुत्र दुचाकीस्वार भामट्यांनी ओरबाडून नेल्याची घटना औरंगाबाद रोड वरील मिर्ची हॉटेल परिसरात घडली. याप्रकरणी आडगाव पोलीस ठाण्यात जबरीचोरीचा गुन्हा दाखल करण्यात आला आहे.
राखी आतिष वाघ (रा.कळंबोली,नवी मुंबई) यांनी याप्रकरणी तक्रार दाखल केली आहे. राखी वाघ या बुधवारी (दि.२३) नातेवाईकाच्या विवाह सोहळ्यानिमित्त शहरात आल्या होत्या. औरंगाबाद रोडवरील जेजूरकर लॉन्स समोरील रस्त्या त्या ओलांडत असतांना ही घटना घडली. समोरून आलेल्या दुचाकीस्वाराने काही कळण्याच्या आत त्यांच्या गळ््यातील सुमारे सव्वा लाख रूपये किमतीची व पाच तोळे वजनाचे मंगळसुत्र ओरबाडून पोबारा केला. अधिक तपास सहाय्यक निरीक्षक संजय बिडगर करीत आहेत.
उघड्या घरातून लॅपटॉप चोरी
नाशिक : दरवाजा उघडा असल्याची संधी साधत चोरट्यांने फ्लॅटमध्ये शिरून लॅपटॉप चोरून नेल्याची घटना अमृतधाम परिसरात घडली. याप्रकरणी पंचवटी पोलीस ठाण्यात गुन्हा दाखल करण्यात आला आहे.
अनमोल पांडूरंग शिंदे (रा.श्री प्लाझा,अमृतधाम) या युवकाने याप्रकरणी तक्रार दाखल केली आहे. शिंदे कुटूंबिय सोमवारी (दि.२१) सकाळच्या सुमारास आपआपल्या कामात व्यस्त असतांना ही घटना घडली. अज्ञात चोरट्यांनी फ्लॅटचा दरवाजा उघडा असल्याची संधी साधत घरात शिरून हॉलमधील टेबलावर ठेवलेला सुमारे ५० हजार रूपये किमतीचा लॅपटॉप चोरून नेला. अधिक तपास पोलीस नाईक बोंबले करीत आहेत.
मित्रास २० लाखास गंडा एकास अटक
नाशिक – नातेवाईकाकडून घेतलेले हातउसणवार पैसे परत करण्यासाठी मित्राच्या खात्यात पाठविलेल्या २० लाख रूपयांचा एकाने अपहार केल्याची घटना नुकतीच उघडकीस आली. याप्रकरणी भद्रकाली पोलीस ठाण्यात फसवणुकीचा गुन्हा दाखल करण्यात आला असून संशयीतास अटक करण्यात आली आहे.
मोसीन खान पठाण (रा.सिब्बल फर्निचर शेजारी तिडके कॉलनी) असे मित्रास गंडविणाºया संशयीताचे नाव आहे. याप्रकरणी कौशिक अशोक दासवानी (रा.सुरत,गुजरात) यांनी तक्रार दाखल केली आहे. दासवानी यांनी नाशिक स्थित नातेवाईकाकडून २० लाख रूपये हात उसनवार घेतले होते. ते परत करण्यासाठी दासवानी यांनी गेल्या शुक्रवारी (दि.४) संशयीत मित्राच्या येस बँक आणि फेडरल बँक खात्यात प्रत्येकी दहा लाख रूपये असे आरटीजीएस द्वारे ट्रान्सफर केले. मात्र संशयीताने ही रक्कम नातेवाईकाकडे सुपूर्द न करता अपहार केला. पंधरा दिवस उलटूनही नातेवाईकास पैसे न मिळाल्याने त्यांनी दासवाणी यांच्याशी संपर्क साधला असता ही घटना उघडकीस आली. दासवाणी यांनी पैश्याचा तगादा लावला असता संशयीताने टाळटाळ केल्याने हा प्रकार पोलीसात पोहचला असून अधिक तपास सहाय्यक निरीक्षक मुगले करीत आहेत.
सातपुरला मुलीची आत्महत्या
नाशिक – सातपूर परिसरातील तेरा वर्षीय मुलीने गळफास लावून आत्महत्या केली. सदर मुलीच्या आत्महत्येचे कारण समजू शकले नाही. याप्रकरणी सातपूर पोलीस ठाण्यात मृत्युची नोंद करण्यात आली आहे.
उज्वला एकनाथ गांगुर्डे (रा.अंबिका स्विट मागे,महादेववाडी) असे आत्महत्या केलेल्या मुलीचे नाव आहे. उज्वला गांगुर्डे या मुलीने गुरूवारी (दि.२४) दुपारच्या सुमारास अज्ञात कारणातून आपल्या राहत्या घरात लाकडी अडगळीला ओढणी बांधून गळफास लावून घेतला होता. त्यात तिचा मृत्यु झाला. अधिक तपास हवालदार सय्यद करीत आहेत.
