नाशिक : जेलरोड, पंचक परिसरात १३ वर्षीय मुलाने राहत्या घरी गळफास घेऊन आत्महत्या केल्याची घटना शनिवारी घडली.
प्रथमेश राजेंद्र सूर्यवंशी (१३, रा. आयोध्यानगरी, पंचक, जेलरोड) असे आत्महत्या करणार्‍या मुलाचे नाव आहे. पोलिसांनी दिलेल्या माहितीनुसार प्रथमेश याने १८ जुलै रोजी राहत्या घरी गळफास घेण्याचा प्रयत्न केला होता. ही बाब निदर्शनास येताच त्याच्या कुटुंबीयांनी त्यास तत्काळ बिटकाे व पुढे जिल्हा रुग्णालयात उपचारांसाठी दाखल केले होते. परंतु, त्याच्या मानेला गंभीर दुखापत झाल्याने उपचारादरम्यान त्याचा मृत्यू झाला. या प्रकरणी नाशिकरोड पोलीस ठाण्यात नोंद करण्यात आली आहे. अधिक तपास पोलीस हवालदार व्ही. जी. भेईर करत आहेत.
