नवी दिल्ली – आपल्या ग्राहकांना नेट पॅकच्या वेगेवगळ्या ऑफर्स देण्यात जिओ नेहमीच आघाडीवर असते. ग्राहकांच्या गरजांचा विचार करूनच त्यांनी अनेक प्लॅन्स बनवलेले दिसतात. त्यांच्या अनेक प्लॅन्समध्ये आपण कमी किमतीत जास्तीत जास्त काळ इंटरनेटचा वापर करू शकतो. आज आम्ही तुम्हाला अशाच एका प्लॅनची माहिती देणार आहोत. यात तुम्हाला वर्षभर अनलिमिटेड कॉलिंग आणि हाय स्पीड इंटरनेटचा फायदा मिळेल.
हा आहे रिलायन्स जिओचा ७४९ रुपयांचा प्लॅन. हा प्रीपेड प्लॅन असून याची व्हॅलिडीटी ३३६ दिवस आहे. म्हणजेच एकदा रिचार्ज केले की ग्राहक जवळपास वर्षभर याचा फायदा घेऊ शकतात. ७४९ रुपयांच्या या प्लॅनमध्ये ग्राहकांना १ वर्षापर्यंत अनलिमिटेड कॉलिंगची सुविधा मिळेल. याशिवाय दर महिना तुम्हाला २ जीबीचा हाय स्पीड डेटा देखील मिळणार आहे.
म्हणजेच ७४९ रुपयात ३३६ दिवसांसाठी तुम्हाला जवळपास ६७२ जीबी डेटा मिळेल. जिओ टिव्ही, जिओ सिनेमा, जिओ न्यूज, जिओ सिक्युरिटी आणि जिओ क्लाउडचेही मोफत सबस्क्रिप्शन मिळणार आहे. कंपनी वेबसाईट आणि रिटेल स्टोअर्समधून याचे रिचार्ज करणे शक्य आहे. हा प्लॅन केवळ जिओ फोन युझर्ससाठीच आहे. म्हणजे तुमच्याकडे जिओचा फोन असेल तर तुम्हाला या प्लॅनचा फायदा नक्कीच घेता येईल.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
