मुंबई – बीग बॉस १४ मधून जास्मीन भसीन एलिमिनेट होईल. पण ही बाब तिच्या चाहत्यांना दुखावणारी आहे. त्यामुळे आधीपासूनच तिलसा परत आणण्याची मागणी सोशल मिडियावर चाहत्यांनी लावून धरली आहे. अर्थात बीग बॉसमध्ये आपल्या आवडत्या स्पर्धकाला परत आणण्यासाठी चाहत्यांनी मागणी करण्याचा प्रसंगही दुर्मिळच आहे.
बीग बॉसच्या १४व्या मोसमात राहुल वैद्य, अली गोनी आणि राखी सावंत यांच्याशी संबंधितही खूप मोठ्या प्रमाणात ट्रेंड्स होऊन गेले आहेत. मात्र सध्याचा ट्रेंड जास्मीन भसीनच्या संदर्भात आहे, जिला पहिलेच बीग बॉलमधून बाहेर काढण्यात आलेले आहे. जास्मिन भसीन आज बीग बॉसच्या घरातून बाहेर पडेल, पण तिला परत आणण्यासाठी चाहत्यांनी १.१२ दशलक्ष ट्वीट केले आहेत. एका फॅनने म्हटले आहे की, ‘जास्मिन सर्वांत चांगली आहे. तिला परत आणा. नाही तर आम्ही शो बघणार नाही.’ दुसऱ्या एका चाहत्याने म्हटले आहे की, ‘आम्हाला माहिती आहे की चाहते भावूक आहेत आणि निर्माते चाहत्यांच्या भावनांसोबत खेळत आहेत. मात्र आम्ही सारे एक आहोत आणि जास्मिनला परत घेऊनच येणार.’ मुळात जास्मिनला शोच्या बाहेर जावे लागेल, असे सांगताना सलमान खानही भावूक झाला होता. या आठवड्यात अभिनव शुक्ला, रुबिना दिलेक, अली गोनी आणि जास्मिन भसीन यांना नॉमिनेट करण्यात आले आहे.
