दिंडोरी – तालुक्यातील जऊळके वणी ग्रामपंचायतीच्या सरपंचपदासाठी घेण्यात आलेल्या निवडणुकीत सरपंचपदी योगेश दवंगे तर उपसरपंचपदी सौ उज्वला दवंगे यांची बिनविरोध निवड करण्यात आली.
नुकत्याच संपन्न झालेल्या ग्रामपंचायत निवडणुकीत ९ जागा बिनविरोध झाल्या होत्या. आज सरपंच व उपसरपंच पदासाठी निवडणूक घेण्यात आली. निवडणूक निर्णय अधिकारी तथा मंडलाधिकारी राजेंद्र विधाते व तलाठी कांडे डेकर यांच्या उपस्थित निवडणूक झाली. सरपंचपदासाठी योगेश दवंगे यांचा तर उपसरपंच पदासाठी सौ उज्वला शंकर दवंगे यांचा एकच अर्ज आल्याने दोघांची बिनविरोध निवड घोषित करण्यात आली.
निवडीनंतर नवनिर्वाचित सरपंच व उपसरपंच यांचा ग्रामस्थांतर्फे सत्कार करण्यात आला. याप्रसंगी जिल्हा बँकेचे संचालक गणपतराव पाटील, शिवसेना नाशिक जिल्हा सुनील पाटील, जऊळके वणी सोसायटीचे चेअरमन भास्करराव पाटील, शिवाजीराव पाटील, शिवाजीराव दवंगे, संपत दवंगे, सुदाम दवंगे, सतीश पाटील, बापूराव दवंगे, जगन दवंगे, संतोष दवंगे, योगेश दवंगे, बंडू दवंगे, राजेंद्र पाटील, किरण पाटील, सचिन दवंगे, अशोक दवंगे आदींसह ग्रामस्थ मोठ्या संख्येने उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
