चित्रपटात येण्यापूर्वी प्रियांका अशी होती (बघा फोटो)

मुंबई – बॉलिवूड नटी प्रियंका चोप्रा हिने एक फोटो सोशल मिडीयावर शेअर केला आहे. या छायाचित्रात १७ वर्षांची प्रियंका दिसत आहे. विशीत येण्यापूर्वी प्रियंका अशी दिसायची, यावर चाहत्यांचा विश्वासच बसत नाहीए. प्रियंकाने या फोटोसोबत ‘लीन अँड मीन’ असे कॅप्शन दिले आहे. सोबतच #Unfinished असे हॅशटॅगही जोडले आहे.

प्रियंकाचा हा फोटो बघता बघता चांगलाच व्हायरल झाला. त्यावर तिचे चाहते व चित्रपटरसिक कमेंट्सचा पाऊस पाडत आहे. केवळ सर्वसामान्य माणूसच नाही तर २००० सालची मिस युनिव्हर्स लारा दत्ता आणि मिस एशिया पॅसिफिक दिया मिर्झा यांनी देखील फोटोवर कमेंट केल्या आहेत. लारा दत्ताने ‘मुझे ये लडकी याद है’ असे लिहीले आहे. रितीक रोशनलाही कमेंट करण्याचा मोह आवरलेला नाही. त्याने ‘स्वीट’ या एका शब्दात आपली भावना व्यक्त केली आहे. कॅटरिना आणि राजकुमार राव यांनी हार्टचे इमोजी टाकले आहेत. २००० साली प्रियंका चोप्राने मिस वर्ल्डचा किताब बटकावला होता. त्यानंतर तिचा चेहरा आणि शरीरात बराच बदल झाला. अलीकडचा उल्लेख करायचा झाला तर राजकुमार रावसोबत ‘व्हाईट टायगर’ या सिनेमात ती झळकली. या चित्रपटाला प्रतिसादही चांगला मिळाला आहे. अलीकडेच तिने लंडनमध्ये ‘टेक्स्ट फॉर यू’ या चित्रपटाचे चित्रीकरण पूर्ण केले. तसेच लवकरच ती ‘मॅट्रीक्स ४’मध्येही प्रियंकाची महत्त्वपूर्ण भूमिका बघायला मिळणार आहे.