नाशिक – अरुणाचल प्रदेश येथे सीमेवर कर्तव्य बजावत असताना मालेगावच्या चिखलहोळ येथील जवान मनोराज सोनवणे यांचे निधन झाले आहे. सोनवणे हे २१ पॅराट्रुप्स स्पेशल फोर्समध्ये कार्यरत होते. थंड वातावरण आणि अती उंचीच्या प्रदेशांमध्ये कर्तव्य बजावत असताना त्यांची तब्येत बिघडली. त्यामुळे गेल्या दहा दिवसांपासून त्यांच्यावर कोलकाता येथील कमांड हॉस्पिटलमध्ये उपचार सुरू होते. उपचारा दरम्यानच त्यांचे शुक्रवारी सकाळी निधन झाले.
