नवी दिल्ली – बॉलिवूडचा किंग शाहरुख खान चाहत्यांशी बोलायला नेहमीच उत्सुक असतो. त्यामुळेच तो अनेकदा सोशल मीडियावर आस्क एसआरके (Ask SRK) असा कार्यक्रम घेतो. यानिमित्ताने चाहतेही त्याच्याशी मोकळेपणाने संवाद साधताना दिसतात. या कार्यक्रमात चाहते अनेकदा काही विचित्र प्रश्न विचारतात, पण शाहरुख असे प्रश्न अगदी खेळकरपणे घेऊन त्यांनाही उत्तरे देताना दिसतो.
बुधवारी अशाच एका सेशनमध्ये एका चाहत्याने त्याला विचारले की, तुम्हाला बाथरुममध्ये एवढा वेळ का लागतो? तुम्ही काय करत असता? या प्रश्नाच्या उत्तरात शाहरुख म्हणतो, तुमची शिकण्याची इच्छा आणि जिज्ञासेची मी दाद देतो. यापुढे मी तुम्हाला व्हिडीओ पाठवत जाईन, असेही तो पुढे म्हणतो.
‘हॅरी मेट सेजल’ या चित्रपटाचा सिक्वल कधी येणार आहे, असे एका चाहत्याने विचारल्यावर शाहरुखने आपल्याच या चित्रपटाची चेष्टा केली. तो म्हणतो, बॉक्स ऑफिसवर जे चित्रपट पडतात, त्याचेच सिक्वेल सगळे का मागत असतात? त्याच्या या उत्तराने सारेच हैराण झाले. २०१७ मध्ये आलेला हा रोमँटिक चित्रपट इम्तियाज अली यांनी दिग्दर्शित केला होता. यात अनुष्का शर्मा मुख्य भूमिकेत होती.
तर एका चाहत्याने शाहरुखची रोमँटिक इमेज पाहता, मुलींना कसे पटवता येईल, याबाबत त्याच्याकडे काही टिप्स मागितल्या. त्यावर शाहरुखने दिलेले उत्तर खरंच प्रशंसनीय आहे. शाहरुख सांगतो, सगळ्यात आधी पटवणे हा शब्द वापरणे बंद करा. उलट जी मुलगी तुम्हाला आवडते, तिला आदर द्यायला शिका.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
