चाळीसगाव – तालुक्यातील टाकळी येथे ग्रामपंचायत निवडणुकीत भावेश कोठावदे यांनी एकविसाव्या वर्षी ग्रामपंचायत निवडणुकीत यश मिळवले आहे. भावेशकडे कोणताही राजकारणाचा वारसा नसतांना त्याने ही निवडणूक जिंकली आहे. वडिलांचा किराणा व्यवसाय असल्यामुळे या व्यवसायात भावेश मदत करत होता. याबरोबरच वयाच्या १५ व्या वर्षापासून भाजपाच्या युवा माेर्चाचे काम त्याने सुरू केले. अठराव्या वर्षी भाजपा युवा माेर्चाचे अध्यक्षपद मिळविले. गावात असलेल्या समस्या सुटाव्यात, ग्रामस्थांना मूलभूत सुविधा मिळाव्या यासाठी त्यांने ग्रामपंचायत निवडणूक लढविण्याचा निर्णय घेतला. समाेर अनुभवी दिग्गज असतानाही पॅनलमध्ये सर्वच नवीन चेहरे घेऊन त्याने यश मिळवले हे विशेष.. त्यामुळेच भावेश आणि त्यांच्या पॅनलने तब्बल १४ जागांवर विजय मिळविला आहे. त्याच्या या यशाची सगळीकडे मोठी चर्चा आहे.
चाळीसगाव – भावेश काेठावदेने २१ व्या वर्षीच मिळवले ग्रामपंचायत निवडणुकीत यश
