चाळीसगाव –  पिलखोड सरपंचपदी प्रकाश यशोद तर उपसरपंचपदी गोकुळ बाविस्कर

 चाळीसगाव –  तालुक्यातील पिलखोड गावच्या सरपंचपदी परिवर्तन पॅनलचे प्रकाश राघो यशोद यांची तर उपसरपंचपदी गोकुळ रामचंद्र बाविस्कर यांची बिनविरोध निवड झाली.  ग्रामपंचायत निवडणुकीत परिवर्तन पॅनलच्या १३ पैकी १३ जागा निवडून आल्या होत्या. पिलखोड ग्रामपंचायतच्या सरपंच, उपसरपंच पदांसाठी बुधवार, १७ रोजी निवडणूक झाली. सरपंच पदासाठी प्रकाश  यशोद यांनी तर उपसरपंच पदासाठी गोकुळ  बाविस्कर यांनी उमेदवारी अर्ज दाखल केला, तदनंतर दुपारी दोन वाजता ग्रामपंचायत कार्यालयात निवडणूक निर्णय अधिकारी कैलास माळी यांच्या अध्यक्षतेखाली झालेल्या सभेत त्यांच्या बिनविराेध निवडीची घोषणा करण्यात आली. गावाच्या विकासासाठी सर्वांना सोबत घेऊन काम करू. तसेच सर्व ग्रामस्थांना मुलभूत सोयी सुविधा देऊन समस्या सोडविण्यास प्राधान्य देऊ, असे यावेळी नवनिर्वाचित पदाधिकाऱ्यांनी सांगितले. यावेळी सर्व नवनिर्वाचित ग्रामपंचायत सदस्य उपस्थित होते. यावेळी सर्वांचा सत्कार करण्यात आला. या कार्यक्रमाला प्रतिष्ठीत नागरिक आणि ग्रामस्थ उपस्थित होते.