– किशोर दादासाहेब बारगळ असे मृत तरुणाचे नाव
– आपत्ती व्यवस्थापन टीमने शोध मोहिम करत मृतदेह काढला पाण्याबाहेर
मनमाड – येथून जवळच असलेल्या चांदेश्वरी धबधबा येथे तरुणाचा पाण्यात बुडून मृत्यू झाला आहे. निसर्गरम्य असलेल्या चांदेश्वरी येथे अनेक पर्यटक पर्यटनासाठी येत असतात. वैजापूर तालुक्यातील काही तरुण रविवारी या ठिकाणी पर्यटनासाठी आले होते. त्यातील किशोर दादासाहेब बारगळ (वय ३०) हा तरुण अंघोळीसाठी धबधब्याजवळ उतरला असता पाण्याचा अंदाज न आल्याने तो पाण्यात बुडाला. त्यातच त्याचा मृत्यू झाला. नांदगाव पोलिसांना ही घटना कळवल्यानंतर आपत्ती व्यवस्थापन निफाडच्या रेस्क्यू टीमने शोध मोहीम राबविली. त्यात या तरुणाचा मृतदेह बाहेर काढण्यात यश आले. पोलिसांनी अकस्मात मृत्यूची नोंद केली आहे.
