चांदवड-लासलगाव मार्गावरील वाळकेवाडी फाट्याजवळील घटना
…
पिंपळगाव बसवंत – चांदवड येथील महावितरण कार्यालयात वरिष्ठ तंत्रज्ञ पदावर कार्यरत असलेल्या सुनील कोल्हे यांचा चांदवड-लासलगाव मार्गावरील वाळकेवाडी फाट्याजवळ अपघाती मृत्यू झाल्याची घटना शुक्रवारी (दि. ११) सकाळी दहाच्या सुमारास घडली. या घटनेने महावितरण कर्मचा-यांमध्ये हळहळ व्यक्त होत आहे.
याबाबत माहिती अशी की, चांदवड येथील महावितरण कार्यालयात वरिष्ठ तंत्रज्ञ पदावर कार्यरत असलेले सुनील कोल्हे (३५, रा. विटावे, ता. चांदवड) सध्या लासलगाव येथे राहत होते. नेहमीप्रमाणे ते लासलगावहून चांदवडच्या महावितरण कार्यालयात कामावर निघाले होते. कोल्हे यांची दुचाकी (क्र. एमएच-४१-एन-७४८५) वाळकेवाडी फाट्याजवळ आली असता चांदवडहून लासलगावी जाणा-या मालवाहतूक वाहनाने (क्र. एमएच-१५-एफव्ही-५५८४) त्यांना जोराची धडक दिली. या घटनेत कोल्हे यांचा जागीच मृत्यू झाला. याप्रकरणी चांदवड पोलीस ठाण्यात अपघाताचा गुन्हा दाखल करण्यात आला आहे. सहाय्यक पोलीस उपनिरिक्षक कैलास जगताप, स्वप्निल राजपूत, पोलीस नाईक मन्साराम बागुल घटनेचा तपास करीत आहे.
पिंपळगाव बसवंत – चांदवड येथील महावितरण कार्यालयात वरिष्ठ तंत्रज्ञ पदावर कार्यरत असलेल्या सुनील कोल्हे यांचा चांदवड-लासलगाव मार्गावरील वाळकेवाडी फाट्याजवळ अपघाती मृत्यू झाल्याची घटना शुक्रवारी (दि. ११) सकाळी दहाच्या सुमारास घडली. या घटनेने महावितरण कर्मचा-यांमध्ये हळहळ व्यक्त होत आहे.
याबाबत माहिती अशी की, चांदवड येथील महावितरण कार्यालयात वरिष्ठ तंत्रज्ञ पदावर कार्यरत असलेले सुनील कोल्हे (३५, रा. विटावे, ता. चांदवड) सध्या लासलगाव येथे राहत होते. नेहमीप्रमाणे ते लासलगावहून चांदवडच्या महावितरण कार्यालयात कामावर निघाले होते. कोल्हे यांची दुचाकी (क्र. एमएच-४१-एन-७४८५) वाळकेवाडी फाट्याजवळ आली असता चांदवडहून लासलगावी जाणा-या मालवाहतूक वाहनाने (क्र. एमएच-१५-एफव्ही-५५८४) त्यांना जोराची धडक दिली. या घटनेत कोल्हे यांचा जागीच मृत्यू झाला. याप्रकरणी चांदवड पोलीस ठाण्यात अपघाताचा गुन्हा दाखल करण्यात आला आहे. सहाय्यक पोलीस उपनिरिक्षक कैलास जगताप, स्वप्निल राजपूत, पोलीस नाईक मन्साराम बागुल घटनेचा तपास करीत आहे.
