चांदवड – एकनाथ खडसे यांनी राष्ट्रवादीत प्रवेश केल्यानंतर ते जळगावकडे जात असतांना त्यांचा ठिकठिकाणी सत्कार होत होता. तसाच सत्कार चांदवड येथे सुध्दा झाला. या सत्काराच्या दरम्यान गर्दीचा फायदा घेत प्रसाद देशमुख यांच्या गळयातील सोनसाखळी एका चोरट्यांनी लंपास केली होती. पण, पोलिसांनी अवघ्या काही दिवसात गुप्त माहितीच्या आधारे सापळा रचून चोरट्याला गजाआड केले. विशेष म्हणजे त्यांच्याकडून सात लाखांचा मुद्देमाल हस्तगत केला. या आरोपीला बीड मधून अटक करण्यात आली आहे. गर्दीचा फायदा घेऊन त्याने सोनसाखळी लंपास केली होती. त्यामुळे कोणताही सुगावा लागत नव्हता. मात्र खडसे यांचा सत्कार केला जात असतांना त्याची मोबाईलवर शूटिंग करण्यात आली होती. त्या व्हिडीओमध्ये हा चोरटा आढळून आल्यानंतर त्याचा शोध पोलिसांनी घेतला व त्याला ताब्यात घेतले.
