चांदवड- उमराणे गावाजवळ ट्रक व तवेरा गाडीचा भीषण अपघात होऊन दोन जण जागीच ठार झाले तर सहा जण गंभीर जखमी झाले आहे. उमराणे गावाजवळील महामार्गावर तवेराला ट्रक क्रमांक एमएच -४३ ई – १८०६ ने मागून धडक दिल्यामुळे हा अपघात झाला. येसगाव येथे नातेवाइकांचा अंत्यसंस्कार करून तवेरा गाडी क्रमांक एमएच १५ – सीएम -८७१२ ने नाशिक येथे घरी परत जात असतांना ही घटना घडली. या अपघातात नाशिक येथील महादेव प्रल्हाद मनवर (४४) भागवत सीताराम भोई (४५ ) हे जागीच ठार झाले. तर सुभाष भोई,(४०) ,भारती भोई (३५), वंदना भोई (४०),कैलास भोई (४७), राम सातोडे हे गंभीर जखमी झाले आहेत. जखमीवर मालेगाव येथील खासगी दवाखान्यात उपचार सुरु आहेत. या अपघाताचा देवळा तालुका पोलीस अधिक तपास करीत आहे.
