चांदवड – येथील ग्लोबल रिसर्च अँड एज्युकेशन फाउंडेशन व मालेगाव ब्लड बँक यांच्या संयुक्त विद्यमाने वरचे गाव येथील श्री जैन मंदिर येथे रक्तदान शिबिर आयोजित करण्यात आले. या शिबिरात ४० हून अधिक नागरिकांनी रक्तदान केले. यावेळी ग्लोबल रिसर्च अँड एज्युकेशन फाउंडेशनचे संस्थापक भूषण जयचंद कासलीवाल, अध्यक्ष रिंकू कासलीवाल यांनी रक्तदात्यांचा प्रमाणपत्र देऊन सत्कार केला. कोरोनाच्या पार्श्वभूमीवर रक्ताचा तुटवडा निर्माण होत आहे. त्या अनुषंगाने गणेशोत्सवाच्या निमित्ताने रक्तदान शिबिराचे आयोजन करण्यात आले. रिंकू कासलीवाल यांनी केलेल्या आवाहनाला मोठ्या प्रमाणात प्रतिसाद देत संबंधित परिसरातील नागरिकांनी रक्तदान शिबिरात सहभाग नोंदवला. यावेळी अंकुर कासलीवाल, महेश बोराडे, गणेश शेळके, नितीन फंगाळ, मालेगाव ब्लड बँक जनसंपर्क अधिकारी समाधान शिंपी आदींसह अनेक मान्यवर उपस्थित होते.
