गृहमंत्री देशमुखांवरील आरोपांच्या स्वतंत्र चौकशीचा फैसला आज

मुंबई – गृहमंत्री अनिल देशमुख यांच्यावर खंडणीचा आरोप करीत डॉ. जयश्री पाटील यांनी दाखल केलेल्या याचिकेवर मुंबई उच्च न्यायालयात आज मंगळवारी (३० मार्च) सुनावणी करण्यात येणार आहे.  दरम्यान, माजी पोलिस आयुक्त परमबीर सिंग यांनी  गृहमंत्री अनिल देशमुख यांच्यावरील आरोपांची स्वतंत्र चौकशी करण्याची मागणी याचिकेत केली आहे.

      डॉ. पाटील यांनी २० मार्च रोजी सिंग यांनी मुख्यमंत्र्यांना लिहिलेल्या पत्राचा हवाला दिला असून त्यात त्यांनी अनिल देशमुख यांच्यावर खंडणीचा आरोप केला असून त्यात असे म्हटले आहे की, निलंबित पोलिस अधिकारी सचिन वाझे यांना महिन्याकाठी १०० कोटी रुपये वसूल करण्याचे लक्ष्य दिले आहे होते. त्याच्या आरोपावरून हा वाद पेटला असून देशमुख यांच्या राजीनाम्याची मागणी भाजपकडून सातत्याने केली जात आहे.

      दरम्यान, वकील घनश्याम उपाध्याय यांनीही सीबीआय किंवा ईडीकडून कोर्टाच्या देखरेखीखाली सिंग यांच्यावर लावण्यात आलेल्या आरोपांच्या चौकशीसाठी पीआयएल दाखल केली आहे. उपाध्याय यांनी  माजी पोलिस अधिकाऱ्यानी जप्त केलेल्या मालमत्ता जप्त करण्याची मागणी केली. तसेच सिंह, वाझे, सहायक पोलिस आयुक्त संजय पाटील, पोलिस उपायुक्त राजू भुजबळ आणि देशमुख यांच्यासह काही राजकारण्यांविरोधात कालबद्ध चौकशीची मागणी त्यांनी केली आहे.

     मुंबईचे माजी पोलिस आयुक्त परमबीर सिंग यांनी मुंबई उच्च न्यायालयात याचिका दाखल केली असून परमबीरसिंग यांनी त्यांच्या बदलीला आव्हान देत गृहमंत्री  देशमुख यांच्याविरोधात सीबीआय चौकशीची मागणी केली होती.  यापूर्वी सर्वोच्च न्यायालयाने परमबीर सिंग यांची याचिका फेटाळून लावत उच्च न्यायालयात जाण्याचा सल्ला दिला होता.

     अँटिलीया प्रकरणात मुंबई पोलिस एपीआय सचिन वाझे यांना अटक झाल्यानंतर मुंबई पोलिस आयुक्तपदावरून काढून टाकण्यात आलेल्या परमबीर सिंग यांनी गृहमंत्री अनिल देशमुख यांनी वाजे यांना दरमहा १०० कोटी रुपयांचे उद्दिष्ट दिल्याचा आरोप केला आहे. महाराष्ट्र सरकारने सचिन वाझे यांना निलंबित केले होते आणि परमबीर सिंग यांना मुंबई पोलिस आयुक्तपदावरून डीजी होमगार्ड्सकडे बदली करण्यात आली होती.