मुंबई – गुगल पे ने ग्राहकांच्या डेटाच्या सुरक्षिततेसंबंधी महत्त्वाचे पाऊल उचलले आहे. त्यांनी म्हटले आहे की ग्राहकांचे त्यांच्या डेटावरील नियंत्रण अधिक मजबूत करण्याचा आमचा प्रयत्न आहे. त्यासाठी गोपनियतेचे काही फिचर्स उपलब्ध करून दिले जाणार आहे.
नव्या फिचर्समधून ग्राहकांना व्यवहाराचा डेटा आपल्या नियंत्रणात ठेवण्याची सुविधा मिळणार आहे. त्यासाठी पुढील आठवड्यात नवे अपडेट्स जारी केले जातील, असेही गुगल पे ने स्पष्ट केले आहे.
नव्या अपडेट्सनंतर ग्राहकांना हे ठरविता येईल की त्यांच्या आर्थिक व्यवहारावर त्यांनी किती नियंत्रण ठेवायला हवे. अपडेट करताच हे विचारले जाईल की त्यांना नियंत्रण अॉन ठेवायचे आहे की अॉफ. गुगल पे चे उपाध्यक्ष (उत्पादन) अमरीष केंघे यांनी म्हटले आहे की गोपनियतेला आम्ही पहिलेपासूनच प्राधान्य दिले आहे.
सध्या आपण गुगल पे वरून कुठलाही व्यवहार केला तर तो गुगल पे वरच राहतो. मात्र आता गुगल पेवरसुद्धा आपल्या व्यवहाराचे व्यवस्थापन करण्याची संधी दिली जाणार आहे. अर्थात मोबाईल रिचार्जचे उदाहरण देताना त्यांनी सांगितले की ग्राहकांना आता रिवॉर्ड आणि आफर देण्यासाठीही या डेटाचा वापर करायचा की नाही, हे ग्राहकांनाच ठरविता येणार आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
