गायिका नेहा कक्करच्या लग्नामुळे हिमांश कोहली झाला ट्रोल

नवी दिल्ली – अभिनेता हिमांश कोहली याची आधीची प्रेयसी नेहा कक्कर याचे लग्न झाल्याने सोशल मीडियावर तो भलताच ट्रोल झाला आहे. मात्र या ट्रोलिंगमुळे आपण खूप वैतागल्याचे तो सांगतो. नेहाचं लग्न झाल्याचे आपल्याला ठाऊक असून त्यामुळे आपण खूशही असल्याचे हिमांश सांगतो. नेहा कक्कर आणि हिमांश कोहली हे दोघे २०१८ मध्ये वेगळे झाले. त्यानंतर तिने नुकतेच रोहनप्रीत सिंहशी विवाह केला.

दोन वर्षांपासून मी अशाप्रकारच्या मेसेजेसकडे दुर्लक्ष करतो आहे. असे मिम्स, कॉमेंट्स, पोस्ट सातत्याने मला मिळत आहेत. पण आता मी या सगळ्याला वैतागलो आहे. सोशल मीडियावर अशा अनेक कॉमेंट्स आल्या होत्या, ज्यामुळे मला फार वाईट वाटले. तुम्ही कोणाच्याही वाढदिवसाला शुभेच्छा द्या, स्वतःचा एखादा नवीन प्रोजेक्ट सांगा, यावर शुभेच्छांसोबतच तुमच्या भूतकाळाबाबत कॉमेंट्स केल्या जातात. हे योग्य नाही. हे सगळं थांबवण्याची हीच योग्य वेळ आहे. लोकांना केवळ माझी मस्करी करण्यात इंटरेस्ट आहे. किमान प्रासंगिक आणि वर्तमानाबद्दल तरी बोलत चला, असेही त्याने म्हटले आहे. नेहा कक्कर आणि हिमांश कोहली यांचा एक व्हिडीओ व्हायरल झाला, यावरूनही त्याने सोशल मीडियावरून नाराजी  व्यक्त केली.