खुशखबर! बी.एस.एन.एल. ने बदलले ब्रॉडबँड प्लॅन

मुंबई – भारतातील सरकारी टेलिकॉम कंपनी भारत संचार निगम लिमिटेड (बी.एस.एन.एल.)ने आपल्या ब्रॉडबँडच्या प्लान्समध्ये अमुलाग्र बदल केलेले आहेत. आता युजर्स या प्लान्सच्या माध्यमातून वेगवान इंटरनेटसह अधिक डेटादेखील प्राप्त करू शकतील.

नवीन योजनेनुसार बी.एस.एन.एल. च्या भारत फायबरच्या ग्राहकांसाठी ४ टी.बी. पर्यंतचा डेटा २०० एम.बी.पी.एस.च्या गतीसह उपलब्ध होणार आहे. सध्या ही योजना चेन्नईमध्ये कार्यान्वित करण्यात आली असून चेन्नई मधील फायबर-टू-होम ग्राहकांसाठी हा प्लान उपलब्ध करून देण्यात आला आहे. या योजनेमध्ये ४९९ रुपये, ७७९ रुपये, ८४९ रुपये , १२७७ रुपये आणि १९९९ रुपये असे प्लान्स सुरु करण्यात आले आहेत.