मुंबई – अभिनेता सोनू सूद याने लॉकडाऊनच्या काळात अनेकांना मदत केली. आता या काळात ज्यांच्या नोकऱ्या गेल्या किंवा ज्यांना रोजगार नाही, अशा लोकांना मदत करण्यासाठी त्याने एक नवीन मोहीम सुरु केली आहे. रोजगार म्हणून तो त्यांना इ रिक्षा देणार आहे. इंस्टाग्रामवर देखील त्याने याची माहिती दिली आहे. ‘खुद्द कमाओ, घर चलाओ’ असे या मोहिमेचे नाव आहे.
सोनू या मोहिमेबाबत सांगतो की, गेल्या काही महिन्यात मला लोकांकडून खूप प्रेम मिळाले आहे. यामुळेच मला त्यांच्यासाठी काम करण्याची प्रेरणा मिळते. यातूनच या मोहिमेचा जन्म झाला आहे. एखाद्याला आर्थिक किंवा कोणतीही मदत देण्यापेक्षा रोजगाराचे साधन उपलब्ध करून देणे हा चांगला पर्याय आहे. स्वतःच्या पायावर उभं राहण्याची संधी देणे यापेक्षा दुसरे पुण्याचे काम कोणतेही नसल्याचे आपल्याला वाटते, असे त्याने म्हटले आहे.
याआधी सोनूने प्रवासी रोजगार ऍप लाँच केले होते. यामुळे अनेकांना नोकरी मिळाली होती.
